Məxfilik Siyasəti

Son yenilənmə: 3 oktyabr 2026

1. Bu sənəd kimə aiddir

Bu Məxfilik Siyasəti Loopy WhatsApp CRM platformasına (bundan sonra — "Platforma") aiddir. Platforma İntech Academy tərəfindən idarə olunur və inkişaf etdirilir. Platformadan istifadə edərək (sahibkar/işçi kimi qeydiyyatdan keçərək) bu sənədin şərtlərini qəbul etmiş olursunuz.

2. Hansı məlumatları topluyuruq

Platforma iki növ məlumat toplayır:

• Hesab məlumatları — Platformadan istifadə edən sahibkarın/işçinin adı, email ünvanı və şirkət adı (qeydiyyat zamanı).
• Müştəri məlumatları — sahibkarın öz müştəriləri haqqında Platformaya daxil etdiyi fərdi məlumatlar: müştərinin adı, telefon nömrəsi və alış/xidmət tarixçəsi. Bu məlumatları Loopy deyil, birbaşa sahibkarın özü daxil edir və idarə edir.

Minimum məlumat prinsipi (data minimization): Loopy yalnız xidmətin işləməsi üçün zəruri olan minimum məlumatı toplayır və saxlayır. Xidmətlə birbaşa bağlı olmayan heç bir əlavə məlumat tələb edilmir, toplanmır və üçüncü tərəflərlə paylaşılmır.

3. Məlumatları necə istifadə edirik

Topladığımız məlumatlar yalnız sahibkarın öz müştəri idarəetməsi və WhatsApp üzərindən müştərilərlə mesajlaşması üçün istifadə olunur — məsələn, müştəri siyahısının idarə edilməsi, avtomatik xatırlatmaların göndərilməsi və kampaniya mesajlarının çatdırılması. Məlumatlar başqa heç bir məqsədlə (üçüncü tərəflərə satış, kənar marketinq və s.) istifadə edilmir.

4. WhatsApp / Meta Platform Data-nın istifadəsi

Loopy, mesajların göndərilməsi üçün rəsmi WhatsApp Business Platform (Meta) ilə inteqrasiya edir. Bu inteqrasiya vasitəsilə əldə edilən məlumatlar (Meta Platform Data) yalnız sahibkarın öz müştərilərinə mesaj çatdırmaq və həmin mesajların çatdırılma statusunu (göndərildi/ çatdırıldı/oxundu) göstərmək üçün istifadə olunur. Bu məlumatlar reklam, profilləşdirmə, satış və ya hər hansı digər məqsədlə istifadə edilmir və ya üçüncü tərəflərə ötürülmür.

5. Məlumatların saxlanması və təhlükəsizliyi

Məlumatlar şifrələnmiş əlaqə kanalları üzərindən ötürülür və hər bir şirkətin məlumatları digər şirkətlərin məlumatlarından texniki olaraq ayrılmış (tenant izolyasiyası) şəkildə saxlanılır — yəni bir şirkətin istifadəçisi başqa şirkətin məlumatlarına çıxış əldə edə bilmir.

6. Fərdi məlumat sahiblərinin hüquqları

Platformada məlumatları saxlanılan hər bir şəxs öz məlumatlarının silinməsini və ya surətinin (ixracının) verilməsini tələb etmək hüququna malikdir. Bu tələblə bağlı sahibkarınızla (sizi Platformaya daxil edən biznesin özü ilə) və ya aşağıdakı əlaqə vasitəsilə birbaşa bizimlə əlaqə saxlaya bilərsiniz.

7. Əlaqə

Bu sənədlə bağlı suallarınız olarsa, bizimlə əlaqə saxlaya bilərsiniz: [email protected]